Anivince Jean Baptiste ap tòtòt jou tankou powèm nan kaye lavi.(Bon rekòt)
Pa kite tan an anpwazonnen
tèt li tanpri
an kalifouchon nan lalwèt van an
m ap navige navige m rèdchèch
nan yanvalou lavi ak lanmò
an mòd rezon avèg
anba pwela syèl degrade
powèt la se bondye tout vil likid
k ap fè aktyalite nan fòm metafò
tèt mwen pati san gade dèyè
tout rad se dèy
tout dèy s on jou ki chire tèt li
anba latcha lenkonsyans
m pa fou
se tan an ki fè move san
ak atant mwen nan lojik kanzo papa bondye a
imòtalite powèt jwenn woulib
nan wotè jou ki annafè
manti manti w jan w santi w santi
kakas rèv radi
pa rete rabi sou pwent lannwit
si yo vle detui m
m p ap di yo anyen non grann
se pa sa yo di k ap fè lavi santi di.
Tèks : Anivince Jean Baptiste
James Fleurissaint
jamesfleurissaint1804@gmail.com
En savoir plus sur Safety Promo
Subscribe to get the latest posts sent to your email.
